අත්අඩංගුවට ගෙන ඇත්තේ කොස්වත්ත පොලිස් වසමේ කහටවිල - පොතුවටවන පදිංචිකරුවෙකු වන 20 හැවිරිදි තරුණයෙකි.
දරු ප්‍රසූතිය සඳහා රෝහල් ගත කර ඇත්තේ සැකකරු සමග වසරක පමණ කාලයක් පවුල් ජීවිතයක් ගත කළ බව කියන 15 හැවිරිදි දැරියක් බව අද දෙරණ වාර්තාකරු පවසයි.
ඇය තම ප්‍රථම දරු ප්‍රසූතිය සඳහා මීගමුව මහා රෝහලේ 10 වන වාට්ටුවට ඇතුළත් වී ඇත.
දරු ප්‍රසූතිය සඳහා රෝහල් ගත වී ඇති බාල වයස්කාර දැරියගේ සත්‍ය වයස දැන ගැනීමට වාට්ටු බාර වෛද්‍යවරයා සමත්වී තිබේ.
නමුත් ඇය දරු ප්‍රසූතියට පෙර ගැබිණි සායන වලට සහභාගි වී ඇතත් එහිදී සත්‍ය වයස හෙලි කර නැති බවද අනාවරණය වී ඇත.
කෙසේ වෙතත් මීගමුව මහ රෝහලේ 10 වාට්ටු බාර වෛද්‍යවරයා විසින් කොස්වත්ත පොලීසියට මේ බව දන්වා තිබේ.
ඒ අනුව බාලවයස්කාර දැරිය සමග වසරක පමණ කාලයක් අඹු - සැමි ඇසුරක් පවත්වමින් පවුල් ජීවිතයක් ගත කළ බව කියන සැකකරු පොලීසිය විසින් අත්අඩංගුවට ගෙන ඇත.
බාල වයස්කාර දැරියක් දුෂණය කිරීමේ චෝදනාව යටතේ සැකකරුට එරෙහිව අධිකරණය හමුවේ කරුණු ඉදිරිපත් කරන බව කොස්වත්ත පොලීසිය කියයි.
සැකකරු මාරවිල දිසා අධිකරණයට ඉදිරිපත් කිරීමට නියමිතය.
කොස්වත්ත පොලීසිය වැඩිදුර පරීක්ෂණ කරගෙන යයි.
