-->
සංගීත සංදර්ශනයක් අතරතුර ගායක ශිල්පී සමන් ද සිල්වා මහතාට පහරදීමේ සිද්ධියට අදාළ දකුණු පළාත් සභා කෘෂිකර්ම අමාත්‍ය බිංදු වීරසිංහ මහතාට සහ පුනරුත්ථාපන හා බන්ධනාගාර ප්‍රතිසංස්කරණ අමාත්‍ය චන්ද්‍රසිරි ගජධීර මහතාගේ මාධ්‍ය ලේකම් ඉරෝෂන් පී්‍රති කුමාර මහතාට බොරැල්ල පොලීසියට විත් ප්‍රකාශයක් ලබා දෙන ලෙස දැන්වූවත් ඔවුන් ඊයේ (02) දිනයේ පොලීසියට නොපැමිණ මගහැරිය බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ අජිත් රෝහණ 
මහතා පවසයි. සංගීත සංදර්ශනය අතර තුර මොවුන් දෙදෙනා තමන්ට පහර දුන් බව කියමින් ගායන ශිල්පී සමන් ද සිල්වා මහතා සහ බන්ධනාගාර සහකාර අධිකාරීවරයෙක් විසින් බොරැල්ල පොලීසියට කළ පැමිණිල්ලක් අනුව ඔවුන්ගෙන් ප්‍රකාශ ගැනීම සඳහා පොලීසියට පැමිණෙන ලෙස දැනුම්වත් කර ඇත. පළාත් සභා අමාත්‍යවරයා සහ පුනරුත්ථාපන බන්ධනාගාරප්‍රතිසංස්කරණ ඇමැතිවරයාගේ මාධ්‍ය ලේකම්වරයා පොලීසියට නොපැමිණි නිසා ඔවුන් සම්බන්ධයෙන් ඉදිරි ක්‍රියාමාර්ග ගන්නා බවද අජිත් රෝහණ මහතා වැඩිදුරටත් පැවැසීය.
