ජංගම දුරකතන සම්බන්ධතාවල බහින කලාව ඇරඹේ ...

මෙතෙක් කල් ශ‍්‍රී ලංකාවේ ජංගම දුරකතන සම්බන්ධතා ප‍්‍රමාණය දිනෙන් දින වැඩි වූ නමුත් ඉතිහාසයේ පළමු වතාවට මේ වසරේ පළමු කාර්තුවේදී ජංගම දුරකතන සම්බන්ධතා ලක්ෂ 10 කින් පමණ බිඳ වැටී ඇත.

මේ බව හෙලිවන්නේ විදුලි සංදේශ නියාමන කොමිසම විසින් නිකුත් කර තිබෙන දත්ත අනුව ය. 2013 මාර්තු වලින් අවසන් වන කාර්තුවේදී මෙරට ජංගම දුරකතන සම්බන්ධතා 988,337 ක් අහිමි වී තිබෙන අතර සමස්ත සම්බන්ධතා ප‍්‍රමාණය 19,335,733 කි.

ශ‍්‍රී ලංකාවේ මේ වනවිට මිලියන 20 කට වැඩි ජනගහනයක් සිටින අතර බොහෝ ප‍්‍රමාණයක් සිම් පත් එකකට වැඩි ප‍්‍රමාණයක් භාවිතා කරයි. මෙරට ජංගම දුරකතන සම්බන්ධතා ලබාදීමේ වෙළඳ පොළ ඉතාමත් තරඟකාරී මට්ටමකට පැමිණ තිබෙන අතර සමාගම්වල ලාභ පරාසද සීග‍්‍ර ලෙස අඩුවෙමින් ඇත.

මේ අතර, ගෙවුණු මාර්තු කාර්තුවේදී ස්ථාවර දුරකතන සම්බන්ධතා ප‍්‍රමාණයද 3,449,391 සිට 2,832,464 ක් දක්වා පහළ ගොස් තිබේ.