ලෝකයේ ත්රස්තවාදය සම්බන්ධයෙන් පර්යේෂන පවත්වා ඒ පිලිබඳ තක්සේරු කරන ප්රධානතම සංවිධානය වන ‘ටෙරරිසම් රිසර්ච් ඇන්ඩ් ඇනලසිස් කොන්සෝටියම්’ හෙවත් ‘ට්රැක්’ ආයතනය විසින් ශ්රී ලංකාවේ බොදු බල සේනා සංවිධානය ත්රස්තවාදී සංවිධානයක් ලෙස නම් කර තිබේ. යම් අරමුණක් ජය ගැනීම සඳහා ත්රස්තය භාවිතා කිරීම ත්රස්තවාදය ලෙස හැඳින්වේ.
බොදු බල සේනා සංවිධානය ශ්රී ලංකාවේ මුස්ලිම් කතෝලික සුළුතර ආගමිකයන්ට එරෙහිව වෛරී ආකාරයෙන් හැසිරෙමින් ඔවුන්ට එරෙහිව ප්රහාර විශාල ප්රමාණයක් එල්ල කර ඇතැයි ‘ට්රැක් සංවිධානය’ පවසයි. බොදු බල සේනා සංවිධානය ශ්රී ලංකාවේ රජය සමග සමීපව ක්රියා කරන බවත් එම සංවිධානය පවසයි.
බොදු බල සංවිධානයේ ගලගොඩ අත්තේ ඥානසාර හිමියන් ‘ප්රජාතන්ත්රවාදීන් කියා ගන්නා අය සිංහල ජාතිය විනාශ කරනවා’ යනුවෙන් කියා ඇතැයි උපුටා දක්වන ‘ට්රැක් සංවිධානය’ බුරුමයේ අෂින් විරතු හිමියන් හමුවීම ගැනද වාර්තා කරයි.
ට්රැක් සංවිධානය මෙලෙස ලෝකයේ සංවිධාන විශාල ප්රමාණයක් ලැයිස්තුගත කර ඇති අතර ලංකාවේ ඊළාම්වාදී සංවිධාන රැසක් ද ත්රස්තවාදී සංවිධාන ලෙස නම් කර ඇත.
අදාල වාර්තාවේ යොමුව මෙතනින්