උපාධි ප‍්‍රදානය කිරීමේ ආයතනයක් වශයෙන් පිළිගනු ලැබ ඇති වෘත්තීයමය උපාධි ලබාදෙන සියලූම රාජ්‍ය නොවන ආයතන විසින් අදාළ විෂය හෝ වෘත්තීය පිළිබඳ දැනුම සහ සුදුසුකම් ඇති තැනැත්තන්ගෙන් සමන්විත පාර්ලිමේන්තු පනතක් මගින් සංස්ථාගත කරන ලද හෝ පිහිටුවන ලද යම් වෘත්තීය මණ්ඩලයක් මගින් එම උපාධිය පිරිනැමීම සඳහා එම ආයතනය සුදුසු බවට නිර්දේශයක් ලබාගත යුතුව තිබිණි.
එහෙත් උසස් අධ්‍යාපන අමාත්‍යාංශය අදාළ කොන්දේසිය ලිහිල් කිරීමත් සමග වෛද්‍ය, ඉංජිනේරු, වාස්තු විද්‍යා, ගණකාධිකාරී ආදීවූ වෘත්තීන්ගේ ප‍්‍රමිතිය සම්බන්ධයෙන් බරපතළ අනතුරක් පැන නගිනු ඇති බව විද්වතුන්ගේ මතය වී තිබේ.
මේ සම්බන්ධයෙන් උසස් අධ්‍යාපන අමාත්‍යාංශ ලේකම් ආචාර්ය සුනිල් ජයන්ත නවරත්න ප‍්‍රකාශ කළේ ඕනෑම වෘත්තීය අධ්‍යාපන ආයතනයකට අදාළ විෂය සම්බන්ධයෙන් උපාධියක් ලබාදීමට හැකියාව තිබිය යුතු බවත් එම අධ්‍යාපන ආයතනවලට අවශ්‍ය නම් කිසියම් වෘත්තියකට අදාළ වෘත්තීය මණ්ඩලයකින් අනුමැතිය ලබාගත හැකි බවත් එය අනිවාර්ය කිරීම අසාධාරණ බවත්ය.
