නීති විරෝධී ලෙස මෙරටට ආනයනය කළ විලවුන් තොගයක් රේගුවෙන් නිදහස් කරගැනීමට ගත් උත්සාහය සම්බන්ධයෙන් රේගු පරීක්ෂණයක් ආරම්භ කර තිබේ.
මෙම විලවුන් තොගය නිදහස් කර ගැනීමට සෞඛ්‍ය අමාත්‍යාංශයේ ලිපි ශීර්ෂය යටතේ ඖෂධ අධිකාරියේ අධ්‍යක්ෂ වෛද්‍ය හේමන්ත බෙනරගම මහතාගේ අත්සනද ව්‍යාජ ලෙස යොදාගෙන ඇතැයි මේවන විට හෙළිව තිබේ.
රේගු අධ්‍යක්ෂ ජනරාල්වරයා විසින් ඒ පිළිබඳව සිදුකළ දැනුම්දීමකට අනුව වහාම එම විළවුන් තොගය රේගුවෙන් නිදහස් කිරීම නතර කිරීමට පියවර ගෙන ඇති බවද පැවසේ.
අදාළ සිද්ධිය පිළිබඳව පුළුල් පරීක්ෂණ පැවැත්වීම සඳහා පොලිස්පතිවරයාගෙන් ඉල්ලීමක් කළ බවත් හේමන්ත බෙනරගම මහතා මාධ්‍යට පවසා තිබිනි.
.jpg)
