තම මෙහෙයුම් පද්ධති වෙත අන්තර්ජාල හැකර්කරුවන් විසින් ප්රහාරයක් එල්ල කිරීමේ අවදානමක් ඇතැයි මයික්රොසොෆ්ට් සමාගම අනතුරු අඟවයි.
ඊ මේල් ගිණුමක් විවෘත කිරීමකට හෝ වෙබ් අඩවියක් වෙතට පිවිසීමකට ආරාධනාවක් සිදු කර හෝ සිය පාරිභෝගිකයන්ගේ පරිගණක තුළට පිවිසීමේ සූක්ෂම උපායක් මොවුන් අනුගමනය කරන බව මයික්රොසොෆ්ට් සමාගම පවසයි.
මෙය හිතාමතාම ඉලක්කගතව සිදු කරන පහරදීමක් ලෙස හදුන්වන එම සමාගම, ඒ පිළිබදව පරීක්ෂණ පවත්වන බවද කියා සිටී.
දැනට හදුනාගෙන ඇති ආකාරයට මයික්රොසොෆ්ට් වින්ඩෝස් විස්ටා, වින්ඩෝස් සර්වර් 2008, ඔෆිස් 2003-2010 සහ Microsoft Lync යන තම සමාගමේ මෙහෙයුම් පද්ධති සහ මෘදුකාංග වෙත මෙය බලපෑම් එල්ල කරන බව මොවුන් අනාවරණය කරති.
කෙසේ වෙතත් මේ වනවිට පවතින වින්ඩෝස් සහ ඔෆිස් සංස්කරණ සදහා මින් බලපෑමක් එල්ල නොවී තිබෙන බවද ඔවුන් වැඩිදුරටත් අවධාරණය කර සිටී.
මේ අතරම ඉහත මෘදුකාංග සංස්කරණ භාවිතා කරන සිය පාරිභොගිකයන් වෙත දැනුවත් කිරීමේ උපදෙස්ද ලබාදීමට මයික්රොසොෆ්ට් බලධාරීහු කටයුතු යොදා තිබේ.