තමන් පොරොන්දු දී ඇත්තේ මෙරට සාමාන්ය ජනතාවට මිස ජාත්යනතර ප්රජාවට නොවන බව මහින්ද රාජපක්ෂ මහතා අවධාරණය කර සිටී. මේ දිනවල සී ෂෙල්ස් හි රාජතාන්ත්රික සංචාරයක නිරත වෙමින් සිටින ජනාධිපතිවරයා මේ අදහස් පලකලේ එරට ජනාධිපති ජේම්ස් මයිකල් මහතා සමග පැවති සාකච්චාවක් අතරතුරදීය.
“උතුරේ මැතිවරණය මේ වසරේදී පැවැත්වෙන එක සහතිකයි.මම ඒ පිළිබඳ මගේ රටේ ජනතාවට සහතික වෙලා තියෙනව.අප මේ ගැන පොරොන්දු දී ඇත්තේ ජනතාවට මිස ජාත්යන්තර ප්රජාවට නොවෙයි.” යනුවෙන් ජනාධිපතිවරයා තම ස්ථාවටය පැහැදිළි කර තිබේ.
උගත් පාඩම් කොමිසමේ නිර්දේශ ක්රියාත්මක කිරීමේදී තම රජය ඉතා හොඳ ප්රගතියක් ලබා ඇති බවත් තරස්තවාදය අවසන් කිරීමෙන් පසු ඇමරිකන් ඩොලර් මිලියන 300 ක් පමණ උතුරේ යටිතල පහසුකම් සංවර්ධනය වෙනුවෙන් වැය කර ඇති බවත් ජනාධිපතිවරුන් දෙදෙනා අතර රාජතාන්ත්රික හමුවෙන් පසු නිකුත්කල ඇති නිවේදනය් සඳහන්ව තිබේ.
ජනාධිපතිවරුන් අතර සාක්ච්චාවේදී මහින්ද රාජපක්ෂ මහතා ආදර්ශමත් රාජ්ය නායකයකු බව පෙන්වා දී ඇති සී ෂෙල්ස් ජනාධිපතිවරයා රාජපක්ෂ ජනාධිපතිවරයා යටතේ සංහිඳියාව සඳහා වන මාවතේ පැහැදිලි ප්රගතීන් ලඟා කරගෙන ඇතැයිද පවසා තිබේ.