ක‍්‍රිකට් ඇතුළු සියලූම ක‍්‍රීඩා දේශපාලනීකරණය වී ඇති බවත් තමන් බලයට පත් වූ සැනින් ක‍්‍රීඩාවට ඇතුළු කර තිබෙන දේශපාලනය මුළුමනින්ම අතු ගා දමන බවත් එජාප නායක රනිල් වික‍්‍රමසිංහ මහතා පවසයි.
ඒ මහතා මෙසේ පැවසුවේ කොළඹ දිස්ත‍්‍රික් එක්සත් ජාතික පක්ෂ ජාතික යොවුන් පෙරමුණු අතර පැවති සය සාමාජික සැහැල්ලූ පන්දු ක‍්‍රිකට් තරඟාවලියේ ජයග‍්‍රාහකයන්ට ජය සංකේත ප‍්‍රදානය කිරීමේ අවස්ථාවට සහභාගි වෙමිනි.
එහිදී ඔහු මෙසේද කීය.
‘අද ක‍්‍රිකට් ක‍්‍රීඩාව ඇතුළු සියලූ ක‍්‍රීඩා දේශපාලනීකරණය කරලා. මා බලයට පත් වූ වහාම ක‍්‍රීඩාවට ඇතුළු කර තිබෙන දේශපාලනය ස්වාධීන කොමිෂන් සභා හරහා සම්පූර්ණයෙන් අතු ගා දමනවා’
