මුස්ලිම් ජාතිකයන් ගැන ඇති වැරදි වැටහීම් නිසා ඔවුන් සැකයට භාජන වී තිබුණද ඔවුන්ගේ ඇදහිල්ලෙන් කිසිවෙකුට අකටයුත්තක්, අසාධාරණයක් සිදු නොවන බව ශ‍්‍රී ලංකා මුස්ලිම් කවුන්සිලයේ සභාපති එන්.එම් අමින් මහතා පවසයි.
කොළඹදී පැවති උත්සව සභාවක් අමතමින් ඔහු මෙසේද කීය.
‘වසර 1200ක් පුරා සිංහල,දෙමළ,මුස්ලිම්,ක‍්‍රිස්තියානි අය සමග මුස්ලිම්වරුන් අපි සමගියෙන් ජීවත් වුණා. මේ රට අපේ මවු රට. සමාජයේ වැරදි වැටහීම් නිසා බෞද්ධ ජනතාව මුස්ලිම්වරුන් සමග තිබෙන සමීපභාවය අඩු නිසා මුස්ලිම්වරුන් අන්තවාදයට ගමන්කරනවායි,අල්ජිහාඞ්,අල්කයිදා වැනි අන්තවාදී සංවිධාන සමග ගනුදෙනු කරනවායි කියන සැකය අද සමාජගත වෙලා. ඒක වැරදි මතයක්.
එල්.ටී.ටී.ඊ සංවිධානය වගේ අප මුස්ලිම්වරුන් මේ රටෙන් කොටසක් ඉල්ලලා නැහැ. ඉල්ලන්නෙත් නැහැ. මේ ත‍්‍රස්තවාදය නිසා අදටත් මන්නාරම,මුලතිව්,යාපනය ආදී ප‍්‍රදේශවල මුල් ගම්බිම් වල ජීවත් වූ මුස්ලිම් ජනතාව කදවුරු වලට සීමාවෙලා ජීවත් වෙනවා. මේකයි මුස්ලිම්වරුන්ගේ සැබෑ තත්ත්වය’
