කළමනාකරුවන් තිදෙනකුට සහ පිළිගැනීමේ නිලධාරිනියට කෙටි පණිවුඩ එවන ලද පුද්ගලයන්ගේ ජංගම දුරකතන වාර්තා ලබාගෙන අධිකරණයට ඉදිරිපත් කරන ලෙස කොටුව මහෙස්ත්‍රාත් හා අතිරේක දිසා විනිසුරු තිළිණ ගමගේ මහතා කොළඹ අපරාධ විමර්ශන කොට්ඨාසයට ඊයේ (26දා) නියෝග කෙළේය.නෙත් එෆ්.එම්. සේවයේ ජේ‍යෂ්ඨ කළමනාකරුවකු වන ෆ්‍රැන්සිස් මරියෝ ශාන්ත යන අය එහි ජේ‍යෂ්ඨ කළමනාකරුවකු ලෙස සේවය කරන අතර 2014 ජනවාරි පළමුවැනි දින උදේ ජනාධිපති නමින් කෙටි පණිවුඩයක් එවමින් 'හැපී නිව් ඉයර් ශාන්ත මල්ලී' යැයි සඳහන් කර ඇති බවට පැමිණිල්ලේ සඳහන් විය.
නියෝජ්‍ය කළමනාකාර චානක අමරකෝන්, සහකාර කළමනාකාර මහින්ද රූබසිංහ, පිළිගැනීමේ නිලධාරිනී නදීශා මිහිරානි යන අයටද මේ ආකාරයට කෙටි පණිවුඩ එවා ඇත.
මේ සම්බන්ධයෙන් කොළඹ අපරාධ විමර්ශන කොට්ඨාසයට ජනවාරි 28 දින කරන ලද පැමිණිල්ලකට අනුව ඊයේ 26 දින කොටුව අධිකරණයට කරුණු වාර්තා කිරීමෙන් අනතුරුව මේ නියෝගය කෙරිණි.
