ඊයේ (4 දා) පෙරවරුවේ දුම්රියෙන් බෙන්තොටට පැමිණ ඇති මෙම තරුණ පිරිස කොළඹ ප්‍රදේශයේ පදිංචිකරුවන් බව හෙළි වී තිබේ.
ඔවුන් වෙරළ තීරයේ දිය නාමින් සහ ක්‍රිකට්‌ ක්‍රීඩා කරමින් සිටියදී පන්දුවක්‌ මුහුදට විසිවීමත් සමඟ එක්‌ තරුණයකු එය ගැනීමට මුහුදට පැනීමේදී ඔහු දිය රැල්ලකට හසු වී ගසාගෙන යනු දුටු තවත් තරුණයකු ඔහු බේරා ගැනීමට මුහුදට පැන තිබේ.
එහිදී එම තරුණයන් දෙදෙනා ගසාගෙන ගොස්‌ ඇත. කොළඹ මරදානේ මාලිගාවත්තේ පදිංචි මොහොමඩ් ජලීන් (16) සහ මොහොමඩ් ඉස්‌ලීන් (17) යන දෙදෙනා මෙසේ ගසා ගෙන ගොස්‌ ඇත.
ඊයේ (4 දා) උදැසන ද ප්‍රදේශයේ ධීවරයන් හා කිමිදුම්කරුවන් බෝට්‌ටු රැසක්‌ සමඟ බෙන්තොට පොලිස්‌ නිලධාරීන් ද මුහුදේ ගිලුන තරුණයන් සෙවීමෙහි නිරත වූ නමුත් ඔවුන් පිළිබඳ කිසිදු හෝඩුවාවක්‌ හමු වී නැත.
බෙන්තොට පොලිස්‌ ස්‌ථානාධිපති අශෝක කරුණාරත්න මහතා ප්‍රමුඛ නිලධාරිහු සිද්ධිය පිළිබඳ වැඩිදුර පරීක්‍ෂණ සිදු කරති.
