නගරාශ‍්‍රිත මාර්ග පද්ධතීන්හි ඉදි කර ඇති විදුලි සංඥා පුවරු ආසන්නයේ හා රථවාහන රාජකාරි කරන නිලධාරීන් වාහන නවතා තබන අවස්ථාවලදී හා දුම්රිය හරස් මාර්ග ස්ථානවලදී වාහන නවතා තැබීම සිදුවන අවස්ථාවේදී මාර්ග නීති උල්ලංඝණය කරමින් වම් පසින් හා දකුණු පසින් ඉදිරියට පැමිණෙන ත‍්‍රිරෝද රථ වලට හා යතුරුපැදිකරුවන්ට එරෙහිව දැඩි කි‍්‍රයාමාර්ග ගන්නා බව පොලිස් මාධ්‍ය ප‍්‍රකාශක ජ්‍යෙෂ්ඨ පොලිස් අධිකාරී නිතීඥ අජිත් රෝහණ මහතා සදහන් කරයි.
වාහන නවතා තබන අවස්ථාවේදී වම් පසින් හා දකුණු පසින් ත‍්‍රිරෝද රථ හා යතුරුපැදි ඉදිරියට පැමිණිම නිසා මාර්ග තදබදයක් සහ අනතුරු ඉහළ යාමක් සිදුවන බද පවසා සිටියේය.
මීට අමතරව සියලූම බර වාහන මාර්ගයේ වම්පස මං තීරුවේ ධාවනය කළයුතු බවත්, එසේ නොකර දකුණු පස සහ මැද මංතීරු වල ගමන් කරන බස්රථ,ලොරිරථ,ට‍්‍රක් රථ ආදිය බර වාහන වලට එරෙහිව නීතිය දැඩිව කි‍්‍රයාත්මක කරන බවද මාධ්‍ය ප‍්‍රකාශකවරයා සදහන් කළේය.
