කුරුණැගල පුත්තලම මාර්ගයේ ඊයේ (04) පෙරවරුවේ නවතා තිබු පෞද්ගලික බස් රථයක සැඟව සිටි පාසල් පෙම් යුවලක් සහ ඔවුන්ගේ සහය පැමිණි තවත් සිසුවියක් කුරුණැගල පොලීසිය විසින් අත්අඩංගුවට ගෙන තිබේ. මෙම පාසල් සිසුවා හා සිසුවියන් දෙදෙනා එදින පෙරවරුවේ කුරුණැගල නවතා තිබු පෞද්ගලික බස් රථයට නැඟ දොරඟුළු දමා ගෙන තිබේ.
මොවුන් ගොඩ වන ආකාරය දැක එම ප‍්‍රදේශයේ ව්‍යාපාරිකයෙකු විසින් පොලිසියට දැනුම් දී තිබේ. එම පැමිණිල්ල අනුව කුරුණැගල පොලීසියේ ළමා හා කාන්තා කාර්යාංශයේ නිලධාරීන් එම ස්ථානයට පැමිණ තිබේ. බසයේ සියළුම විරුදු ඇතුලට පිටතට නොපෙනෙන ආකාරයට කළු ස්ටිකර්වලින් ආවරණය කර තිබී ඇත. පසුව පොලිසිය විසින් බසයේ දොරඟුළු කඩා බසයට ඇතුළු වී තිබේ. ඔවුන් බසයේ පිටුපසම අසුනේ සිටියදී පොලිසිය විසින් අත්අඩංගුවට ගෙන තිබේ. මොවුන්ට පෙම් සුව විඳීම සඳහා බස් රථයේ සේවකයින් විසින් යම් මුදලක් ගෙන ඇති බවට තොරතුරු අනාවරණ වී තිබේ. ඒ හෙයින් බස් රථයේ රියදුරු හා කොන්දොස්තරවරයා ද මේ වන විට අත්අඩංගුවට ගෙන තිබේ. සිද්ධිය සම්බන්ධයෙන් කුරුණෑගල පොලිසිය වැඩිදුර පරික්‍ෂණ සිදු කරනු ලබයි.
.jpg)
