එක්සත් ජාතික පක්‍ෂයේ කුමන්ත‍්‍රණකරුවන් අල්ලා මහුදුට දැමිය යුතු යයි එම පක්‍ෂයේ දකුණු පළාත් සභා අපේක්‍ෂිකා රංගනි ශිල්පිනී නදීෂා හේමමාලි පවසයි.
වත්මන් එක්සත් ජාතික පක්‍ෂ අර්බුදය සම්බන්ධයෙන් ඇය අදහස් පල කරන්නේ මෙසේය.
‘නායකත්ව මණ්ඩලය විවේචනය කරන පුද්ගලයන් කිහිපි දෙනෙකුගේ උවමනාව වී තිබෙන්නේ ඊළඟ ප‍්‍රධාන මැතිවරණයේදී යූඑන්පීය පරද්දන්න. එතකොට ඒ අයට කියන්න පුළුවන් ඕකනෙ කිවුවෙ රනිල් එක්ක බෑ කියලා. ඒ අයට ඕන තම පුද්ගලික න්‍යාය පත‍්‍රය දිනවන්න. ලක්‍ෂ 35ක එජාප ඡන්ද දායකයන්ගේ අහිසංක බලාපොරොත්තු විනාශ කරලා දානවා.
යූඑන්පී නැව ගිල්ලන් හදන අය දිගින් දිගටම එම කාර්ය කරන්න හදනවා නම් කරන්න තියෙන්නේ කුමන්ත‍්‍රණකාරයෝ ටික අල්ලලා මුහුදට දමන එකයි’
කෙසේ වෙතත් ඇය නම් වශයෙන් නොකීවද දැනට එජාප නායකත්ව මණ්ඩලය දැඩි ලෙස විවේචනය කරමින් සිටින්නේ මන්ත‍්‍රී සජිත් පේ‍්‍රමදාස සහ මන්ත‍්‍රීනී තලතා අතුකෝරාලයි. එනම් නදීෂාට අනුව සජිත් සහ තලතා අල්ලා මුහුදට දැමිය යුතුය.
.jpg)
