අසම්මත ප්‍රේම සම්බන්ධතාවයක් බිදවැටීම නිසා කෝපයට පත්ව කනංකේ පුහුලහේන ප්‍රදේශයේ මවකට සහ දියණියකට ඇසිඩ් ප්‍රහාරයක් එල්ල කළ තරුණිය අද සවස නීතීඥයෙකු මාර්ගයෙන් කනංකේ පොලිසියට භාරවී ඇත.
පසුගිය 17 වැනි දින සැකකාර තරුණිය තවත් අයෙකු සමග යකුරුපැදියකින් පුහුලහේන ප්‍රදේශයට පැමිණ මෙම මවට සහ දියණියට ඇසිඩ් ප්‍රහාරය එල්ලකොට පලාගොස් තිබුණි.
ඇසිඩ් ප්‍රහාරයෙන් බරපතල තුවාල ලැබ කොළඹ ජාතික රෝහලට ඇතුලළත් කොට ප්‍රතිකාර ලබමින් සිටි මව මියගොස් තිබුණි. මේ අතර ඇසිඩ් ප්‍රහාරයෙන් බරපතල තුවාල ලැබූ දියණිය කරාපිටිය රෝහලේ ප්‍රතිකාර ලබමින් සිටින්නීය.
මෙම ඇසිඩ් ප්‍රහාරය එල්ලකළ තරුණියගේ මව ඇයට රැකවරණය ලබාදීමේ චෝදනාව යටතේ ඉකුත් 21 වැනි දින මතුගම අගලවත්ත ප්‍රදේශයේදී අත්අඩංගුවට ගෙන තිබුණි. සැකකාරිය අධිකරණයට ඉදිරිපත් කිරීමෙන් පසුව රක්ෂිත බන්ධනාගාරගත කර ඇත.
.jpg)
