ඉතාලියේ රාජ්‍ය නොවන සංවිධානයක්‌ ශ්‍රී ලංකා හමුදාව යුද අපරාධ සිදු කළ බවට චෝදනා කරමින් දෙසැම්බර් 07 දා ජර්මනියේ බ්‍රිමන් නගරයේදී නඩු විභාගයක්‌ පැවැත්වීමට කටයුතු යොදා ඇතැයි 'දිවයින' පුවත්පත වාර්තා කර තිබේ.
මෙම නඩුවට විනිසුරුවරුන් 11 දෙනකු පත් කර තිබේ.
ශ්‍රී ලංකාවට එරෙහි මෙම නඩුවේ පැමිණිලිකරු උතුරු අයර්ලන්තයේ රාජ්‍ය නොවන සංවිධානයක්‌ මෙහෙයවන ජූඩ් ලාල් ප්‍රනාන්දු නමැත්තා යෑයි ද එම පුවත්පත කියයි.
මෙකී රාජ්‍ය නොවන සංවිධාන නඩු විභාගය දින තුනක්‌ තිස්‌සේ පැවැත්වෙන අතර එහි සාක්‌කිකරුවන් ලෙස හිටපු එල්.ටි.ටි.ඊ. සාමාජිකයින් දසදෙනකු ඉදිරිපත් වී ඇත.
ශ්‍රී ලංකාවට එරෙහි මෙම නඩු විභාගයේ තීන්දුව දෙසැම්බර් 10 වැනිදා ප්‍රකාශයට පත් කිරීමට නියමිතය.
ද්‍රවිඩ ජාතිකයින් 1,40,000 ක්‌ මරා දැමූ බවට චෝදනාවක්‌ මෙම නඩු විභාගයට ගොනු කර ඇත.
.jpg)
