උපන් විගස ගෙල සිර කොට මරා වළ දමා තිබූ පිරිමි බිලිඳු මළ සිරුරක් වවුනියාව මහෙස්ත්රාත් හා අතිරේක දිසා විනිසුරු වී. රාමකමලන් මහතා හා වවුනියාව රෝහල් අධිකරණ වෛද්ය නිලධාරි ටී. පාර්දීපන් මහතා ඉදිරියේ වවුනියාව, කල්මඩු, පූමිපුහාර් ප්රදේශයේදී වවුනියාව පොලිස් නිලධාරීන් විසින් ඊයේ (7දා) දහවල් ගොඩගනු ලැබීය.
වවුනියාව පොලිසිය පැවැසුවේ වවුනියාව, කල්මඩු, පූමිබුහාර් ප්රදේශයේ පදිංචි සිවකුමාර් වේලන්කන්නි නමැති 25 හැවිරිදි කාන්තාවකට උපත ලද බිලිඳකු අදාළ කාන්තාව හා ඇයගේ මව වන තංගවේලු කාලිඅම්මා නමැති වයස අවුරුදු 63ක කාන්තාවක් විසින් බිලිදාගේ ගෙල සිරිකොට මරා වළ දමා ඇති බවට පොලිසිය සැකකරන බවයි.
සැකකාර සිවකුමාර් වේලන්කන්නි නමැත්තිය ඉකුත් (6දා) වැනිදා පාන්දර 4.00ට පමණ දරුවා ප්රසූත කොට ඇති අතර සැකකාරිය හා ඇයගේ මව විසින් බිලි¼දාගේ ගෙල රෙදි කඩකින් සිරකොට, පසුව බිලිඳු මළ සිරුර නිවෙස පහළ ළිඳ ආසන්නයේ වළ දමා තිබියදී වවුනියාව පොලිසිය විසින් පෙරේදා (6දා) සවස සොයා ගනු ලැබීය.
බිලිදාගේ ප්රසූතිය නිවෙසේදී සිදුවී ඇති අතර සැකකාර සිවකුමාර් වේලන්කන්නි නමැත්තියගේ මව දරුවා ප්රසූත කිරීමට සහයෝගය ලබාදී ඇති බවට තොරතුරු අනාවරණය කොටගෙන ඇත.