පැරිස් අගනුවර ආශ‍්‍රිත ප‍්‍රදේශයකදී 16 හැවිරිදි මුස්ලිම් දැරියකට පහරදී ඇගේ මුහුණු ආවරණය ඉරා දැමීමේ සිදුවීමක් වාර්තා වී තිබේ.
ට‍්‍රැපේස්හි පිහිටි සිය මිතුරෙකුගේ නිවසින් බැහැරව ඇවිද යද්දී යුරෝපීය ලෙස පෙනෙන පුද්ගලයන් දෙදෙනෙකු විසින් මුස්ලිම් විරෝධී සහ ජාතිවාදී වදනින් බැණවදිමින් ඇයට පහරදී ඇති අතර ඉන් එක් අයෙකු හිස මුඩු කර තිබූ බව පොලිසිය වෙත කළ පැමිණිල්ලේදී ඇය පවසා ඇත.
මුහුණු ආවරණය ඉරා දමා බිම පෙරළා පහර දෙන විටදී තවත් පුද්ගලයෙකු පැමිණ ඇය ගලවාගෙන ඇති අතර පහර දුන් පුද්ගලයන් මෝටර් රථයක නැග පලා ගොස් තිබේ.
පසුගිය මාසයේදී මුස්ලිම් කාන්තාවක් පරීක්ෂවට ලක්කිරීමේ සිදුවීමෙන් පසු උණුසුම් තත්වයක් නිර්මාණය වූ ට‍්‍රැපේස් ප‍්‍රදේශයේ ඇතිවූ මෙම සිදුවීම දැඩි ලෙස හෙළා දකින අභ්‍යන්තර කටයුතු අමාත්‍ය මැනුවෙල් වාල්ස් පවසන්නේ මෙම සිදුවීමට සම්බන්ධ පුද්ගලයන් හඳුනාගෙන අත්අඩංගුවට ගෙන අධිකරණයට භාර කළ යුතු බවයි.
ප‍්‍රංශයේ මුස්ලිම් විරෝධී පහරදීම් 60%කින් ඉහළ නැග ඇතැයි වාර්තා වේ.
මින් පෙර ආර්ගෙන්ටියුල් හිදී කාන්තාවන් කිහිපදෙනෙකුට පහරදීම් වාර්තා වූ අතර පැලෙයිස් ඩෙස් පැපේස් නම් යුනෙස්කෝ ලෝක උරුම ස්ථානයේ මුස්ලිම් විරෝධී පාඨ සටහන් කළ පුද්ගලයෙකු පසුගියදා ආරක්ෂක අංශ විසින් අත්අඩංගුවට ගෙන ඇත.
.jpg)
.jpg)
