පළාත් සභා මන්ත්‍රී ආනන්ද සරත් කුමාර විසින් දන ගැස්වූ බව කියන ගුරුවරියගේ නිවස අසලට සෙනසුරාදා රාත්‍රී යතුරුපැදි වල පැමිණි පිරිසක් නළා හඬවා, කෑගසා ගිය බව කියමින් එම ගුරුවරිය අද උදෑසන නවගත්තේගම පොලිසියට නැවත පැමිණිලි කළාය.
ගුරු විදුහල්පති වෘත්තීය සමිති එකමුතුව වෙනුවෙන් ලංකා ගුරු සංගමයේ ලේකම් ජෝසප් ස්ටාලින් මහතා පැවසුවේ ලංකා ඉතිහාසයේ දේශපාලනඥයකු ගුරුවරියක දන ගැස්වූ පළමු අවස්ථාව මෙය බවයි.
සමස්ත අධ්‍යාපන පද්ධතිය දේශපාලනීකරණයට ලක්වීමත්, ආණ්ඩු පක්ෂයේ දේශපාලනඥයන් පාසල් පරිපාලන කටයුතුවලට ඇගිලි ගැසීමත් මෙම තත්ත්වයට හේතුවී ඇතැයි ද, මේ තත්ත්වය තුල පාසල් පරිපාලනය දේශපාලකයන් අතට ගෙන ඇතැයි ද, මෙය බරපතල තත්ත්වයක් බව ද ස්ටාලින් මහතා කියයි.
මේ සිද්ධිය සම්බන්ධයෙන් පොලිසිය හා එක්සත් ජනතා නිදහස් සන්ධානය සාධාර පරීක්ෂණයක් කර වැරදිකළ අයට නිසි දඩුවම් ලබා දිය යුතු බවත් හෙතෙම සඳහන් කරයි.
.jpg)
