පසුගිය වසරේදී ශ‍්‍රී ලංකන් ගුවන් සමාගමේ වාර්ෂික අලාභය රුපියල් බිලියන 21 ක් දක්වා ඉහළ ගොස් ඇති බව පාර්ලිමේන්තුවට ඉදිරිපත් කළ සමාගමේ වාර්ෂිකව වාර්තාවේ දැක්වේ. එම අලාභය පෙර වර්ෂයේ පැවති බිලියන 19 ක ශුද්ධ අලාභයට වඩා උග‍්‍ර වැඩිවීමකි.
සමාගමේ ආදායම පෙර වර්ෂයට වඩා වැඩි වුවද, වියදම් වැඩිවීම නිසා මෙකී අලාභය සිදු වී ඇති අතර දැඩි ඉන්ධන මිල ඉහළ යාම, යුරෝපා ආර්ථිකයේ අහිතකර තත්ත්වය සහ සමාගමේ සිදුකළ දීර්ඝකාලීන ආයෝජන නිසා මෙම වියදම ඉහළ ගොස් ඇතැයිද වාර්තාවේ දැක්වේ.
