මෙම වසරේදී ලොව අලෙවි වූ ඩීවීඩී තැටි අතුරින් වැඩිපුරම අලෙවි වී ඇත්තේ චිත්‍රපට බව වාර්තා වේ.
නීල්සන් සමාගම විසින් රටවල් 100ක පමණ පාරිභෝගික නැඹුරුතාවයන් සම්බන්ධයෙන් සිදුකළ අධ්‍යයනයකින් මේ බව හෙළිවී තිබේ.
මෙම චිත්‍රපට ඩීවීඩී තැටි අතුරින් ද ඉදිරියෙන්ම සිටින්නේ ට්වයිලයිට් චිත්‍රපට මාලාවේ අවසාන චිත්‍රපටය වන බ්‍රේකින් ඩෝන් 2 ය.
දෙවැනි හා තෙවැනි ස්ථාන වල පිළිවෙළින් සිටින්නේ හොබිට් : ඇන් අන්එක්ස්පෙක්ටඩ් ජර්නි හා 'ස්කයිෆෝල්' ජේම්ස් බොන්ඩ් චිත්‍රපටියයි.
මේ අතර, පරිඝණක ගේම් ඩීවීඩී අතුරින් 2013 වසරේදී වැඩිපුරම අලෙවි වී ඇත්තේ ග්‍රෑන්ඩ් තෙෆ්ට් ඔටෝ Vය.
තවද, ප්‍රබන්ධ කතා අතුරින් වැඩිපුරම අලෙවි වී ඇති ග්‍රන්ථය වන්නේ ඩෑන් බ්‍රවුන්ගේ ඉන්ෆර්නෝ බවද, නීල්සන් සමාගම වැඩිදුරටත් කියා සිටියි.
