සියඹලාණ්ඩුව මහකළුගොල්ල ප්රදේශයේ වෙළදසැලකින් රන් භාණ්ඩ, දුරකථන පෙරගෙවුම් කාඞ්පත් සහ මුදල් සොරකම් කළ මවක් සහ 14 හැවිරිදි පුතෙකු පොලීසිය විසින් අද (29) අත්අඩංගුවට ගෙන තිබෙනවා. පොලීසිය සඳහන් කළේ නොවැම්බර් 23 වන සෙනසුරාදා මෙම සොරකම සිදුව ඇති බවයි. ඔවුන් සොරකම් කර තිබූ රන් භාණ්ඩවල වටිනාකම රුපියල් ලක්ෂ 2කට ආසන්නයි. සැකකාර මව සහ පුතු අද මොණරාගල මහේස්ත්රාත් අධිකරණයට ඉදිරිපත් කිරීමට නියමිත බවයි පොලීසිය සදහන් කළේ.