නුගේගොඩ ආසන්නයේ පිහිටි මේ සුවිසල් නිවසේ කාමරයක් බෝඩිමක් බවට පත්වූයේ ගෙහිමි කාන්තාවගේ අත මිට හිඟවීම නිසාය.
සරසවි සිසුවියන් තිදෙනකු එහි නතර වී සිටි අතර මාසික ගාස්තුව රුපියල් තුන්දහසකි.
විදුලි බිල වැඩිවීම නිසා ඇය පසුගිය දිනක සිසුවියන්ට කීවේ රාත්රී නවයට විදුලි බලය විසන්ධි කරන බවකි. ‘‘නවයෙන් පස්සේ ඕ ගොල්ල කොහොමටත් කයිවාරු ගහනව මිසක් පාඩම් කරන්නෙ නෑනෙ’’ ඇය කීවාය.
ඇය එසේ කළත් සිසුවියෝ ඉටිපන්දම් දන්වාගෙන නවයෙන් පසුත් පාඩම් කළහ.
මේ මාසයේ බෝඩිමේ ගාස්තුව ලෙස තිදෙනාම ගෙවූයේ රුපියල් සියයක් අඩුවෙනි. ‘‘ඇයි මේ’’ ඇය ඇසුවාය. ‘‘ඇන්ටි ඉටිපන්දම් ගැලපුම් ගාස්තුව අඩු කළා’’ ඔවුන් කීවිට බෝඩිමේ හිමිකාරියට දෙවියන් සිහිවුනා ලූ.