අශෝභන ලෙස රාත‍්‍රි කාලයේ බළන්ගොඩ නගරයේ හැසිරුණු චීවරධාරියෙක් බළන්ගොඩ පොලිසිය බළන්ගොඩ දිසා අධිකරණයට ඉදිරීපත් කිරීමෙන් පසු සැකකරු ලබන පළමුවැනිදා දක්වා රක්ෂිත බන්ධනාගාර ගත කර ඇත.
රාත‍්‍රී හතයි තිහට පමණ නගරයේ මෙලෙස හැසිරුණ ශ‍්‍රමණ වෙසින් සිටි පුද්ගලයා පිළිබඳ බළන්ගොඩ තුඹගොඩ ශ‍්‍රී සුදර්ශන විහාරවාසී බළන්ගොඩ සමාජ සංවර්ධන පදනමේ අධ්‍යක්ෂ පූජ්‍ය ඉඹුල්පේ විජිතවංශ හිමියන් හට ත‍්‍රීරෝද රියදුරෙක් දුරකථන මගින් දන්වා ඇත.
ඒ අනුව ශ‍්‍රී සුදර්ශන විහාරයට ගෙනැවිත් සැබෑ හිමි නමක දැයි වතගොත විමසා බැලූ බවත් හිමිනමක් නොවන බව හා තහවුරු වන කිසිදු සාක්ෂියක් හෝ හැදුනුම්පතක් නොතිබූ බවත් පූජ්‍ය ඉඹුල්පේ විජිතවංශ හිමියෝ පැවසූහ.
මෙය අශෝභන ලෙස හැසිරෙමින් සංඝයා වහන්සේට අපහාස කරන කුමන්ත‍්‍රණයක ප‍්‍රතිපලයක් දැයි සැක කරන බවත් ප‍්‍රදේශයේ මහානායක හිමිවරුන්ගේ උපදෙස් අනුව එම පුද්ගලයාට ගිහි ඇදුම් අන්දවා පොලිසියට භාරදුන් බවත් උන්වහන්සේ පැවසූහ.
.jpg)
.jpg)
