සිය දියණියගේ පාසැල් නිල ඇඳුම සම්බන්ධයෙන් අවවාද කලේ යයි කෝප වී වයඹ පළාත් සභාවේ මන්තී‍්‍ර ආනන්ද සරත් කුමාර මහතා විසින් දණ ගැස්වූ බව කියන නවගත්තේගම නවෝද්‍යා පාසලේ සුසිලා හේරත් ගුරුවරියට අද උදෑසන ජනාධිපති මහින්ද රාජපක්ෂ මහතා විසින් දුරකථන ඇමතුමක් ලබා දී ඇත.
ජනාධිපතිවරයා විසින් පවසා ඇත්තේ සිදු වූ සිද්ධිය සම්බන්ධයෙන් සොයා බලා ඇයට සාධාරණයක් ඉෂ්ට කරන බවයි.
මන්ත්රී ආනන්ද සරත් කුමාරට එරෙහිව නවගත්තේගම නවෝද්‍යා පැසැල ඉදිරිපට මින් අද පෙරවරුවේ උද්ඝෝෂණයක්ද පැවති අතර ඊට පැසැල් සිසුන්, ගුරුවරුන් එක්ව සිටියහ. උද්ඝෝෂණයෙන් පසු එකී පාසල අද දිනට තාවකාලිකව වසා දමා තිබේ.
මේ සම්බන්ධ මන්ත‍්‍රිවරයා රක්‍ෂිත බන්ධානාරගයේ පසුවන අතර ගුරුවරියෙගේ නිවසට කිසියම් පිරිසක් තර්ජනය කර ඇති බවද සඳහන්ය.
‘අපේ විදුහලේ ශිෂ්‍ය නායක මණ්‌ඩලය මගින් පාසලට පැමිණෙන ශිෂ්‍යාවන්ගේ නිල ඇඳුමේ ප්‍රමිතිය සොයා බැලුවා. ඒ අතරින් නියමිත දිගට ගවුම් ඇඳ නොතිබූ ශිෂ්‍යාවන් කිහිප දෙනකුට විනය පියවර ගෙන අවවාද කිරීමට මා වෙත යොමු කළා. පාසලේ ශිෂ්‍ය නායක මණ්‌ඩලය භාරව ඉන්නෙත් මමයි.
එහිදී පාසල් ආපු සමහර සිසුවියන්ගේ ගවුම් කොටට තිබුණ බව මා දැක්‌කාග ඒ අනුව ඔවුනට අවවාද කර ශිෂ්‍ය නායක මණ්‌ඩලය දැනුවත්ව ඔවුනගේ ගවුම්වල වාටිය දික්‌ කළා. එම සිසුවියන් අතරේ වයඹ පළාත් සභා මන්ත්රී ආනන්ද සරත් කුමාර මහතාගේ දියණියත් සිටියා.
පසුව මේ විනය පියවර ගැන ආරංචිවෙලා මන්ත්‍රීතුමා පොල්ලක්‌ අරගෙන පාසලට ආවා. මට පරුෂ වචනයෙන් ප්‍රසිද්ධියේ බැන වැදුණා. මට දණ ගහන්න කිව්වා මම විනාඩි 5 ක්‌ විතර දණ ගසා සිට නැගිට්‌ටා. ඊට පස්‌සෙ ආයෙත් මට දණගහන්න කිව්වා’ සිද්ධියට මුහුණ දුන් ගුරුතුමිය එච්. එම්. ප්‍රියානි සුසිලා හේරත් ගුරුවරිය සඳහන් කරයි.
.jpg)
.jpg)
