මෙවර දෙරණ 360 වැඩසටහනට සහභාගී වු බොදු බල සේනා සංවිධානයේ මහ ලේකම් පූජ්ය ගලබොඩඅත්තේ ඥාණසාර හිමියන් අපහසුතාවයට පත්වන අකාරයෙන් ප්රශ්න කිරීම් සිදුකල බව පවසමින් එම වැඩසටහන මෙහෙයවනු ලබන දිල්කා සමන්මලී මහත්මියට දුරකතන ඔස්සේ දිගින් දිගටම මරණිය තර්ජන එල්ලවෙමින් ඇතැයි ඇය විසින් කොළඹ අපරාධ කොට්ඨාශයට පැමිණිල්ලක් කර තිබේ.
සිංහල බෞද්ධයන් ගැන අදහස් දක්වමින් සූදුව සුරාව ගැන විරෝධයක් එල්ල කරමින් ඥාණසාර හිමි අදහස් දක්වමින් සිටියදී දිල්කා විසින් ඤාණසාර හිමියන් බීමත්ව රිය පදවා අධිකරණයෙන් දඬුවම් ලබා ඇති බව අධිකරණ නඩු වාර්තාවක් ඉදිරිපත් කරමින් ඔප්පු කලේය.
දෙරණ ආයතන අභ්යන්තර ආරංචි මාර්ග පවසන අන්දමට මෙම වැඩසටහනට සඳහා සහභාගී වීම දෙරණ ආයතනය වෙතින් ඤාණසාර හිමියන් ඉල්ලීම් කර ඇති අතර ආයතනය විසින් දැනුම් දී ඇත්තේ වැඩසටහනේදී ඊට සහභාගී වන්නා දැඩිව ප්රශ්ණ කිරීමකට ලක්වන බැවින් ඒ සඳහා භික්ෂූන් වහන්සේ නමක් සහභාගී වීම නුසුදුසු විය හැකි බවයි. කෙසේ වෙතත් දිගින් දිගටම ඤාණසදාර හිමියන් විසින් කරනු ලැබූ ඉල්ලීම මත ඒ සඳහා අවස්ථාව උන් වහන්සේට ලබා දී ඇති බවද පැවසේ.