.අපරාධ පරීක්ෂණ දෙපාර්තමේන්තුවේ උප පොලිස් පරීක්ෂක සුනිල් සරණපාල මහතා සිද්ධිය සම්බන්ධව වැඩිදුර වාර්තාවක්ද පෙරේදා අධිකරණයට ඉදිරිපත් කළ අවස්ථාවේ සැකකරු වහාම අත්අඩංගුවට ගෙන අධිකරණයට ඉදිරිපත් කරන ලෙස නියෝග කෙරිණි.
අත්අඩංගුවට ගැනීමට සොයන මේ සැකකරු විදේශ ගතවීමට ඉඩ ඇති හෙයින් ආගමන හා විගමන පාලක ජනරාල්වරයා වෙත එය වළක්වාලමින් නියෝගයක් නිකුත් කරන ලෙසට රහස් පොලිසිය අධිකරණයෙන් කළ ඉල්ලීමකට අනුව ඉකුත් දා (30දා) එම අධිකරණ නියෝගය නිකුත් කර තිබිණි.
අදාළ බැංකු ශාඛාව 2010දී දෙල්ගොඩ නගරයේ ආරම්භ කර ඇති බවත් එදා සිට මේ දක්වාම කළමනාකරු ලෙස කටයුතු කර ඇත්තේද මේ සැකකරු බවත් 2011 අගෝස්තු 12 වැනි දින සිට 2013 අගෝස්තු 05 වැනි දින දක්වා වසර දෙකක කාලයේදී මේ කෝටි ගණනක වංචාව සිදුකර ඇති බව අධිකරණයට කරුණු දක්වමින් රහස් පොලිස් නිලධාරියා පැවැසීය.
මේ බැංකුවට උකස් කළ භාණ්ඩවලට අමතරව ඒ හා සමාන ව්‍යාජ භාණ්ඩ ඉදිරිපත් කිරීම, ඇතැම් උකස් කළ භාණ්ඩ සඳහා අධි තක්සේරු ලබාදීම තවත් උකස් කළ භාණ්ඩ ලේඛන ගතකර ඇතත් එම භාණ්ඩ නොමැතිවීම, තිබූ අයිතමයන්ට වඩා භාණ්ඩ අඩුවෙන් තිබීම සහ ලේඛන ගතකළ භාණ්ඩ වෙනුවට පැකැට්වල වෙනත් භාණ්ඩ තිබීම යන කරුණු මත විමර්ශන කිරීමෙන් මේ වංචාව අනාවරණය වී ඇති බව රහස් පොලිසිය අධිකරණයට දැන්වීය.
සැකකරු අත්අඩංගුවට ගත් පසු ලංකා දණ්ඩ නීති සංග්‍රහයේ 400,386,389 සහ 454 යන වගන්ති යටතේ නඩු පැවැරීමට බලාපොරොත්තු වන බව රහස් පොලිසිය පවසයි.රහස් පොලිසියේ උප පොලිස් පරීක්ෂක සුනිල් සරණපාල මහතා පැමිණිල්ල අධිකරණයට ඉදිරිපත් කර තිබිණි.
නඩුව නැවත කැඳවීම අගෝස්තු මස 25 වැනි දිනට කල් තැබුවාය.
