දෑත් ගැට ගසා දමා තරුණියක දූෂණය කළ බව කියන ව්යාපාරිකයෙකු ලබන 19 වන දා දක්වා රක්ෂිත බන්ධනාගාරගත කිරීමට ගල්කිස්ස අධිකරණය අද නියෝග කළේ ය.
සැකකරු අද අධිකරණයට ඉදිරිපත් කළ අවස්ථාවේදී ගල්කිස්ස අතිරේක මහේස්ත්රාත් ප්රහසා රණසිංහ මහත්මිය මෙම නියෝගය නිකුත් කළා ය.
අදාළ ව්යාපාරිකයාගේ නිවසේ මෙහෙකාරකම සඳහා පැමිණි බව කියන 22 හැවිරිදි තරුණියක එලෙස දූෂණයට ලක් ව ඇත.
දින ගණනක් අදාළ තරුණිය සැකකරුගේ හිංසනයට ලක් ව ඇති අතර පසු ව ඇය එම ස්ථානයෙන් පලා විත් පොලීසියට කළ පැමිණිල්ලක් මත සැකකරු අත්අඩංගුවට ගෙන තිබේ.
අදාළ තරුණිය මේ වනවිට කළුබෝවිල ශික්ෂණ රෝහලට ඇතුළත් කර ඇති බව පොලීසිය අධිකරණයට දැනුම් දුන්නේ ය.