සතුන් විසින් කාදමන ලද පණුවන් ගැසූ පරිභෝජනයට නුසුදුසු මෙම පරිප්පු තොගය ඔස්‌ටේ්‍රලියාවෙන් ආනයනය කර තිබේ.
මෙම පරිප්පු යන්ත්‍රානුසාරයෙන් තෙල් වර්ගයක්‌ යොදා පිරිසිදු කොට, දෙවරක්‌ වර්ණක යොදා නව පැහැයක්‌ ලබාදී නැවත වෙළෙඳ පොළට යෑවීමට සූදානම් කරන බවට මූලික පරීක්‍ෂණවලදී හෙළිවී ඇත.
මෙසේ පිරිසිදු කරන ලද පරිප්පුවලින් කොටසක්‌ මේ වන විට වෙළෙඳ පොළට යවා තිබෙන අතර, ඉතිරි පරිප්පු තොගය ද පිටකොටුව තොග වෙළෙඳ සල්වලට අලෙවි කිරීමට සූදානම් කර තිබූ බව පාරිභෝගික අධිකාරිය සඳහන් කරයි.
පරිභෝජනයට නුසුදුසු භාණ්‌ඩ විශාල තොගයක්‌ එකවර සොයාගත් පළමු අවස්‌ථාව මෙය වන බව ද පරිභෝගික අධිකාරිය පවසයි.
සමුපකාර හා අභ්‍යන්තර වෙළෙඳ ඇමැති ජොන්ස්‌ටන් ප්‍රනාන්දු මහතාගේ උපදෙස්‌ මත කොළඹ දිස්‌ත්‍රික්‌ පාරිභෝගික අධිකාරියේ ස්‌ථානාධිපති ප්‍රදීප් කලුතරආරච්චි, විමර්ශන නිලධාරීන් වන ගාමිණී, සහන්, අනුරාධ, අසංක, අමරසිරි, පුංචිහේවා යන නිලධාරීහු මෙම වැටලීම සිදුකළහ.
පරිභෝජනයට නුසුදුසු භාණ්‌ඩ ගබඩා කර තැබීම සම්බන්ධයෙන් අදාළ ගබඩාවේ හිමිකරුට විරුද්ධව නීතිමය පියවර ගැනිමට නියමිතය.
