අනියම් බිරියන් හා ගණිකාවන් සමඟ හෝටල් වලට හා නවාතැන් පොළවලට පැමිණෙන ධනවත් ව්යාපාරිකයන් හා උසස් රැකියාවල නිරතව සිටින අය බිය ගන්වා තර්ජනය කර ඔවුන්ගෙන් රුපියල් ලක්ෂ ගණනින් කප්පම් ලබා ගත් බව කියන කෝටිපති ව්යාපාරිකයෙකුගේ පුතෙක් ද හිටපු පොලිස් භටයෙක් සහ තවත් අයෙක් ද කොළඹ අපරාධ විමර්ශණ කොට්ඨාසයේ පොලිස් කණ්ඩායමක් විසින් බොරැල්ල ප්රදේශයේ දී අත් අඩංගුවට ගෙන ඇත.
මේ ආකාරයට කප්පම් ලබා ගෙන ඇත්තේ පානදුර වලාන දුෂණ මර්දන බළකායේ නිළධාරීන් යයි පවසමින් හෝටල්වලට එන ජෝඩු බිය ගන්වා බව පොලීසිය කියයි.
මොවුන් කප්පම් වශයෙන් මුදල් වලට අමතරව කාමර වලට පැමිණෙන ජෝඩු පැළඳ සිටින රන් බඩු පවා කප්පම් වශයෙන් ලබා ගෙන ඇති බව අත් අඩංගුවට ගත් සැකකරුවන් ගෙන් ප්රශ්ණ කිරීමේ දී අනාවරණය වී ඇතැයි පොලිස් නිළධාරියෙක් පැවසිය.
කෝටිපති ව්යාපාරිකයාගේ පුතා හා හිටපු පොලිස් කොස්තාපල්ට අමතරව අත් අඩංගුවට ගත් අනෙක් පුද්ගලයා ජපානයේ වසර 10 ක පමණ කාලයක් රැකියාවක් කර පැමිණ සිටින බර්ගර් ජාතිකයෙකි.
මෙවැනි ආකාරයට පුද්ගලයන් බිය කර ලබා ගන්නා කප්පම් මුදල් මොවුන් තිදෙනා කැසිනෝ සූදුව සඳහා වැය කර තිබෙන බව පොලිස් පරීක්ෂණ වලින් හෙළි වී ඇතැයි කියති.