මාත‍ලේ මහ රෝහ‍ලේ දිස්ත්‍රික් මහ රෝහ‍ලේ ජීව වායු ඒකකය විවෘත කිරීමේ අවස්ථාවකට එක්වෙමින් මෙම අක්‍රමිකතාව හෙළි කළ ආණ්ඩුකාරවරයා දඹුල්ල මූලික රෝහල් නේවාසික රෝගියකු වෙනුවෙන් සැපයූ විශේෂ ආහාර වේලක ආහාර ද්‍රව්‍ය සඳහා අයැදුම්කර ඇති මිල ගණන් විස්තර කළේය.
බෝංචි ග්‍රෑම් 10 රුපියල් 60යි. එතකොට බෝංචි කිලෝව රුපියල් 6000යි. කැරට් ග්‍රෑම් 10 රුපියල් 80යි. එතකොට කැරට් කිලෝව රුපියල් 8000යි. තැම්බූ බිත්තරය රුපියල් 50යි. තෝරමාළු කිලෝවක් රුපියල් 1250යි. පරා මාළු කිලෝවේ මිල රුපියල් 1100යි.
දඹුල්ල රෝහල් නේවාසික රෝගියකුට සැපයූ විශේෂ ආහාර වේලක වියදමේ මුදල් ලබා ගැනීමේ වවුචරයේ සඳහන් මිල ගණන් යනුවෙන් පැවැසූ ආණ්ඩුකාර ටිකිරි කොබ්බෑකඩුව මහතා ආණ්ඩුකාරවරයාට හෝ ඇමැතිවරයාට මෙවැනි අකටයුතු සම්බන්ධයෙන් සොයා බැලීමේ හැකියාවක් නොමැති බැවින් උසස් නිලධාරීන් තම වගකීම ඉටුකිරීමෙන් මෙවැනි අක්‍රමිකතා මගහරවා ගැනීමේ හැකියාව ඇති බව පැවැසීය.
