එංගලන්තයේ දකුණු යෝක්ෂයර් ප්රදේශයේ ෂෙෆීල්ඞ් හි පීසා අවන්හලක සේවය කළ 25 හැවිරිදි සිංහල බෞද්ධ තරුණයෙකු පසුගිය ඉරිදා පිහි පහරට ලක්ව මිය ගොස් ඇත.
තවීෂ පීරිස් නැමැති 25 හැවිරිදි මොහු මීට වසර දෙක හමාරකට පෙර එංගලන්තයට ගොස් ඇත්තේ ෂෙෆීල්ඞ් හාලම් විශ්වවිද්යාලයේ මෘදුකාංග ඉංජිනේරු උපාධියක් හැදෑරීමටය.
පාඨමාලාව නිමවා ඔහු සුදුසු රැකියාවක් ලැබෙන තුරු මෙම පීසා අවන්හලේ සේවය කර ඇති අතර පීසා බෙදා හරින අතරතුර ඉරිදා රාත්රී 10.30ට පමණ මෙලෙස ඝාතනයට ලක්වී තිබේ.
ඔහුගේ මිතුරන් පොලීසියට පවසා ඇත්තේ තවීෂට එංගලන්තයේ එදිරිවාදීන් නොසිටි බවයි.