ඕස්ට්‍රේලියාවට මුහුදු මාර්ගයෙන් පුද්ගලයින් යැවිමේ ජාවාරම සම්බන්ධයෙන් අත්අඩංගුවට ගත් ව්‍යාපාරිකයා රුපියල් කෝටි 40 කට අධික මුදලක් විවිධ පුද්ගලයින්ගෙන් ලබාගෙන ඇති බව අනාවරණය වී තිබේ.
පොලිසිය සඳහන් කළේ, ඔහු රුපියල් ලක්ෂ 12 ක මුදලක් එක් පුද්ගලයෙකුගෙන් ඔස්ට්‍රේලියාවට යැවීම සඳහා ලබාගෙන ඇති බව ය.
දෙවුන්දර, කුච්චවේලි, වාලච්චේන, මඩකලපුව යන ප්‍රදේශවල පුද්ගලයින් එම ව්‍යාපාරිකයා විසින් මුහුදු මාර්ගයෙන් ඔස්ට්‍රේලියාවට යවා තිබෙන බව මාතර කොට්ඨාස අපරාධ විමර්ශන අංශය විසින් කරන ලද පරීක්ෂණවලින් අනාවරණය කර ගනු ලැබ තිබේ.
පසුගියදා අදාළ ව්‍යපාරිකයා ත්‍රීකුණාමලය ප්‍රදේශයේදී අත්අඩංගුවට ගනු ලැබූ බව පොලීසිය සඳහන් කළේය.
එම ජාවාරම සම්බන්ධයෙන් මේ වනවිට පුද්ගලයින් 30 දෙනෙකු අත්අඩංගුවට ගෙන තිබේ.
