නොවැම්බර් මාසයේදී ලංකාවේද පැවැත්වෙන පොදු රාජ්‍ය මණ්ඩලීය රාජ්‍ය නායක සමුළුව හා සම්බන්ධ සියලූම වැය කිරීම් පවත්නා අයවැය ප‍්‍රතිපාදන මගින් පියවා ගන්නා බවත් ඊට කිසිදු අතිරේක අරමුදලක් යොදා නොගන්නා බවත් විදේශ කටයුතු අමාත්‍යංශය පවසයි.
කොළඹ පැවැත්වීමට නියමිත මෙම සමුළුවට විශාල මුදලක් වැයකර රෝල්ස් රොයිස් හා බී එම් ඩබ්ලිව් මෝටර් රථ ආනයනය කිරීමට යන බවට ඇතැම් පාර්ශව විසින් ගෙනයන ප‍්‍රචාරයන් පදනම් විරහිත හා අසත්‍ය ඒවා බවද එම අමාත්‍යංශය නිවේදනයක් නිකුත් කරමින් කියා සිටී.
මෙම රැස්වීම සදහා රජය මෝටර් රථ ආනයනය කිරීමට අදහස් කර නොමැති බවද එම අමාත්‍යංශය පෙන්වා දෙයි.
