ගාල්තැන්න නමැති දේවාලයේ දේවගැතිවරයෙකු ලෙස හඳුන්වාගන්නා ගාමිණී ආනන්ද නමැත්තා රුපියල් කෝටියක් පමණ වටිනා තම රත්රන් මාලය යම් පුද්ගලයෙකු විසින් වංචා සහගත ලෙස ලබාගෙන ඇති බවට තලාතුඔය පොලිසියට පැමිණිලි කර තිබෙනවා.
පොලිසිය පැවසුවේ කිලෝග්රෑම් එකක් පමණ බරැති එම රත්රන් මාලය තමන් ගම්පොළ ප්රදේශයේ පුද්ගලයෙකුට ලබාදුන් බව පැමිණිල්ලේ සඳහන් කර ඇති බවයි.
අදාළ පුද්ගලයාගෙන් ගාමිණී ආනන්ද නමැත්තා රුපියල් ලක්ෂ 10ක මුදලක් ලබාගෙන ඇතැයිද පොලිසිය පැවසුවා.
කෙසේවෙතත් දේවගැතිවරයෙකු ලෙස හඳුන්වාගන්නා ගාමිණී ආනන්ද නමැත්තා සිය ගනුදෙනුව කළ පුද්ගලයා පිළිබඳ කිසිදු තොරතුරක් නොදන්නා බවද පොලිසිය සඳහන් කළා.
තම රන් මාලය ලබාගැනීමට ගාමිණී ආනන්ද නමැත්තා පොලිසියේ පිළිසරණ ඉල්ලා සිටින බවද ප්රකාශ කෙරුණා.
