31 හැවිරිදි මොහොමඩ් අකීල් නම් මෙම පුද්ගලයා සතුව කාන්තාවන් 2000ට අධිකගේ දුරකථන අංක පැවති බව ඉන්දියානු පොළීසිය පවසනවා.
තමාට සිතුන අංකයකට අමතා, එම අංකය කාන්තාවකගේ නම් ඇයට මෙම අසභ්‍ය වීඩියො, ඡායාරූප, පණිවුඩ යැවීමට මොහු කටයුතු කොට ඇති බව සඳහන්.
ඔහු සෑම කාන්තාවකටම මේ ආකරයේ අසභ්‍ය වීඩියෝ යවා නොමැති අතර ප්‍රථමයෙන් ඇයගේ වට්ස් ඇප් ගිණුම නරඹා ඇය ලස්සන නම් පමණක් මෙසේ අසභ්‍ය වීඩියෝ, ඡායාරූප යැවීමට කටයුතු කළ බව ඔහුගේ පාපොච්චාරනයේ සඳහන්.
ඔහු එයින් උන්මාදයක් ලැබූ බවත්, විහිලුවට මෙසේ කළ බවත් ඔහු පොලීසිය වෙත කළ පාපොච්චාරනයේ වැඩි දුරටත් සඳහන් වනවා.
මොහු සතුව තිබී විශාල සිම්පත් ප්‍රමාණයක්ද, ගිගාබයිට් 60 ඉක්මවූ අසභ්‍ය වීඩියෝ ප්‍රමාණයක්ද පොලීසිය විසින් සොයාගෙන තිබෙනවා.
මොහුව මානසික වෛද්‍යවරයෙකු වෙත යොමු කරන ලෙස එරට අධිකරණය පොලීසිය වෙත නියෝග කර තිබෙනවා.
